Kurd miletek in ko xudanê tarîx, cografya,
ziman, kultur, urf û adetên xwe yên xweser
in û eve bi hezarên salan in li ser axa xwe
dijîn. Di vê midetê de ew pêbendên xisletên lêborîn
û pêkvejiyanê bûn û cihê şehnaziyê ye ko kultura
pêkvejiyana digel milet û dînên dî di nêv miletê kurd
de reh û rîşên kûr û tarîxî hene. Di van pêncsed salên
borî de miletê kurd karî xwe ji gelek mihaweleyên
asîmîlasyonê û jihalêrakirinê rizgar bike.